O VINDEIRO DOMINGO, 15 DE MAIO, CELEBRARASE O SORTEO DUNHA DAS OBRAS EXPOSTAS NOS ESCAPARATES DE FOZ DURANTE AS ÚLTIMAS SEMANAS. O EVENTO ENMARCOUSE DENTRO DA SEMANA DA ARTE NA MARIÑA.
Foz, 12 de maio de 2016. O Cenima acollerá o vindeiro domingo, 15 de maio, ás doce da mañá o sorteo dunha das obras que nas últimas semanas estiveron expostas nos escaparates de varios comercios focenses dentro da programación da Semana da Arte na Mariña.
Non é obrigatorio que o sorteo sexa presencial, pero desde a directiva de Acia/CCA de Foz animan a asistir e explican que “chamaremos por teléfono ao afortunado ou afortunada e el escollerá a obra que máis lle gusta de entre as 18 que estiveron expostas nalgúns dos nosos locais asociados”.
Desde a directiva de o Centro Comercial de Aberto focense lembran que ata o 14 de maio é posible ver esa exposición Arte nos escaparates e “aquelas persoas que os visiten deben obter o selo de oito locais no seu tríptico para así entrar no sorteo desa obra dun dos autores participantes. O que teñen que facer é cubrir os seus datos e deixar a inscrición nun dos locais da campaña”.
Arte nos escaparates aínda se pode ver ata o sábado en Saint Tropez, María Docampo, 100 P´S Zapatería y Complementos, Chinela, Decoraciones Pura, Electricidad Núñez, Farmacia Fátima Maañón, Estación de Servicios Foz, Kukadas, Ginzo Hombre, Ginzo Mujer, Catorce Cero Catro, Bahía Xoguetería, 5 Lobiños, Lito Piel, Milar, Xanela agasallos e complementos, Longarela e Anduriña ( Faro Norte- Comunicación)
